ଦଶପଲ୍ଲାର ବାଣିଗୋଛା କାମୁଟିପଙ୍ଗାରେ ଶ୍ରୀରାମ ମନ୍ଦିରର ମହାପ୍ରତିଷ୍ଠା ଅନୁଷ୍ଠିତ

ଦଶପଲ୍ଲା: (ରିପୋର୍ଟ: ସୁବାଷ ଚନ୍ଦ୍ର ବାରିକ): ନୟାଗଡ଼ ଜିଲ୍ଲାର ଦଶପଲ୍ଲା ବ୍ଲକ୍ ଅନ୍ତର୍ଗତ ବାଣିଗୋଛା କାମୁଟିପଙ୍ଗାରେ ଭଗବାନ ଶ୍ରୀରାମଙ୍କ ଏକ ମନୋହର ମନ୍ଦିର ଭକ୍ତି ଓ ବିଶାଳ ଉତ୍ସାହରେ ପ୍ରତିଷ୍ଠିତ ହୋଇଛି। ବେଦବାଣୀ, ଭଜନ-କୀର୍ତ୍ତନ ଏବଂ ବିପୁଳ ଜନସମାଗମରେ ଏହି ପବିତ୍ର ଅନୁଷ୍ଠାନ ସମ୍ପନ୍ନ ହୋଇଥିବା ବେଳେ ଅଞ୍ଚଳଟି "ରାମ ନାମ"ରେ ଗୁଞ୍ଜରିତ ହୋଇଉଠିଥିଲା।  

କଳସ ଯାତ୍ରା  

ଗତ ଗୁରୁବାରଦିନ ଏକ ଭବ୍ୟ କଳସ ଯାତ୍ରା ମାଧ୍ୟମରେ ପ୍ରତିଷ୍ଠା ଉତ୍ସବ ଆରମ୍ଭ ହୋଇଥିଲା। ବୃତ୍ତଙ୍ଗ ନଦୀର ନେଫରୀ ଘାଟରୁ ଶୁଭାରମ୍ଭ କରି ଶହ ଶହ ଭକ୍ତଗଣ କଳସ ନେଇ ଶୋଭାଯାତ୍ରା କରିଥିଲେ। ଭଜନ ଓ କୀର୍ତ୍ତନରେ ପବିତ୍ର ବାତାବରଣ ସୃଷ୍ଟି ହୋଇଥିଲା।  

ଶୁକ୍ରବାରଦିନ ବିସ୍ତୃତ ହୋମ, ଯଜ୍ଞ ଓ ବେଦମନ୍ତ୍ର ପାଠ ସହିତ ପ୍ରାଣ ପ୍ରତିଷ୍ଠା ଅନୁଷ୍ଠାନ ସମ୍ପନ୍ନ ହୋଇଥିଲା। ଅଯୋଧ୍ୟା ଓ ଅନ୍ୟାନ୍ୟ ତୀର୍ଥସ୍ଥାନରୁ ଆସିଥିବା ପୁରୋହିତ ଓ ରତାପାଟର ସନ୍ଥମାନଙ୍କଦ୍ୱାରା ଭଗବାନ ରାମଙ୍କ ବିଗ୍ରହକୁ ସିଂହାସନରେ ବିଜେ କରାଯାଇଥିଲା।  

ମନ୍ଦିରର ଅବସ୍ଥିତି ଓ ମହତ୍ତ୍ବ  

ନୂତନ ନିର୍ମିତ ଏହି ମନ୍ଦିରଟି ବାଣିଗୋଛା କାମୁଟିପାଙ୍ଗରେ ଜାତୀୟ ରାଜପଥ ୫୭ ନିକଟରେ ଅବସ୍ଥିତ। ମନ୍ଦିର ପାର୍ଶ୍ୱରେ ପୂର୍ବରୁ ଏକ ହନୁମାନ ମନ୍ଦିର ରହିଛି, ଯେଉଁଠି ବର୍ଷଧରି ଭକ୍ତମାନେ ପୂଜା ଅର୍ଚ୍ଚନା କରିଆସିଛନ୍ତି।  

The sacred Shri Ram Temple was consecrated at Banigochha Kamutipanga, #Daspalla #Nayagarh #Odisha with Vedic rituals, a grand Kalash Yatra & divine chants!

🔹 Prana Pratishtha by saints from Ayodhya #RamMandir #Odisha #AyodhyaRam #SanatanaDharma pic.twitter.com/uQTbh8EC4S

— Nknews odisha (@NayagarhK) May 10, 2025

ସାମୁହିକ ଅଂଶଗ୍ରହଣ ଓ ପ୍ରସାଦ ବିତରଣ 

ହଜାର ହଜାର ଭକ୍ତ ଏହି ଉତ୍ସବରେ ଯୋଗଦେଇ ଅନ୍ନପ୍ରସାଦ ଲାଭ କରିଥିଲେ। ଘୃତ ଯଜ୍ଞ, ନାମ ଯଜ୍ଞ ଆଦି ବିଭିନ୍ନ ବୈଦିକ ଅନୁଷ୍ଠାନ ମାଧ୍ୟମରେ ଏହି ପ୍ରତିଷ୍ଠା ସମ୍ପନ୍ନ ହୋଇଥିଲା।  

ଆୟୋଜକ ଓ କୃତଜ୍ଞତା 

ମନ୍ଦିର କମିଟିର ସଭାପତି ରମେଶ ସାହୁ, ସଂପାଦକ ପଙ୍କଜ ସାହୁ ଓ କୋଷାଧ୍ୟକ୍ଷ ରଶ୍ମିରଞ୍ଜନ ସାହୁଙ୍କ ନେତୃତ୍ବରେ ଏହି ପ୍ରକଳ୍ପ ସଫଳତାର ସହିତ ସମ୍ପନ୍ନ ହୋଇଥିଲା। ଅନ୍ୟାନ୍ୟ ସଦସ୍ୟ ଯଥା ଗଣେଶ ପ୍ରୁଷ୍ଟି, ସୁରଥ ବାରିକ, ସଞ୍ଜୀତ କରଣ, ବସନ୍ତ ମାଝି ଓ ସ୍ଥାନୀୟ ଭକ୍ତମାନେ ମଧ୍ୟ ଏଥିରେ ସକ୍ରିୟ ଭୂମିକା ନିର୍ବାହ କରିଥିଲେ।  

ଆୟୋଜକମାନେ କହିଛନ୍ତି ଯେ ଭଗବାନ ରାମଙ୍କ ମନ୍ଦିର ନିର୍ମାଣ କରିବାର ସୁଯୋଗ ପାଇଁ ସେମାନେ ନିଜକୁ ଧନ୍ୟ ମନେ କରୁଛନ୍ତି। ଦଶପଲ୍ଲାର ସ୍ଥାନୀୟ ବାସିନ୍ଦାମାନେ କହିଛନ୍ତି ଯେ ଏହି ଘଟଣା ଅଞ୍ଚଳର ଏକ ଐତିହାସିକ ମୁହୂର୍ତ୍ତ, ଯାହା ଲୋକଙ୍କ ହୃଦୟକୁ ଆନନ୍ଦରେ ପୂର୍ଣ କରିଛି।  

ଏହି ମନ୍ଦିର ପ୍ରତିଷ୍ଠା ଭକ୍ତଙ୍କ ଆସ୍ଥାକୁ ଦୃଢ଼ କରିଥିବା ସହିତ ଦଶପଲ୍ଲାରେ ଏକ ନୂତନ ଆଧ୍ୟାତ୍ମିକ ପରିଚୟ ସୃଷ୍ଟି କରିଛି।