ନିଶିଗନ୍ଧା ଭାଷା ପ୍ରତିଷ୍ଠାନ ଚାରିଟେବୁଲ୍ ଟ୍ରଷ୍ଟ ତଥା ନିଶିଗନ୍ଧା ସାହିତ୍ୟ ସାଂସଦ ପକ୍ଷରୁ ଦ୍ଵିତୀୟ ରାଜ୍ୟସ୍ତରୀୟ ସାରସ୍ବତ ଆଲୋଚନା ଚକ୍ର !

ନିଶିଗନ୍ଧା ଭାଷା ପ୍ରତିଷ୍ଠାନ ଚାରିଟେବୁଲ୍ ଟ୍ରଷ୍ଟ ତଥା ନିଶିଗନ୍ଧା ସାହିତ୍ୟ ସାଂସଦ ପକ୍ଷରୁ ଦ୍ଵିତୀୟ ରାଜ୍ୟସ୍ତରୀୟ ସାରସ୍ବତ ଆଲୋଚନା ଚକ୍ର !

ଭୁବନେଶ୍ୱର : 12/5/2021(ରିପୋର୍ଟ : ସନାତନ ମହାକୁଡ଼): ଓଡ଼ିଆ ସାହିତ୍ୟକୁ ସମୃଦ୍ଧ କରିବା ଦିଗରେ ବିପ୍ଳବ ସୃଷ୍ଟି କରୁଥିବା ନିଶିଗନ୍ଧା ସାହିତ୍ୟ ସଂସଦ ଆନୁକୂଲ୍ୟରେ ଆଜି ଦ୍ଵିତୀୟ ରାଜ୍ୟସ୍ତରୀୟ  ସାରସ୍ୱତ ଆଲୋଚନା ଚକ୍ର ସନ୍ଧ୍ୟା ୬ ଘଣ୍ଟା ସମୟରେ ଗୁଗୁଲ୍ ମିଟ୍ ଜରିଆରେ  ଅନୁଷ୍ଠିତ ହୋଇଯାଇଅଛି l ଏହି ସାରସ୍ୱତ    ଆଲୋଚନା ଚକ୍ରରେ ଓଡିଶା ସରକାରଙ୍କ କ୍ରୀଡା ଏବଂ ଯୁବବ୍ୟାପାର ମନ୍ତୀ ଶ୍ରୀଯୁକ୍ତ ତୁଷାରକାନ୍ତି ବେହେରା ଓ ଅନୁଷ୍ଠାନର ପଥପ୍ରଦର୍ଶକ ବିଶିଷ୍ଟ କବି ଶ୍ରୀଯୁକ୍ତ ପଦ୍ମନାଭ ତ୍ରିପାଠୀ ଉଦ୍ଘାଟକ ଭାବରେ ଯୋଗ ଦେଇ ଉଦଘାଟନ କରିଥିଲେ l ସ୍ୱାରସ୍ୱତ ଆଲୋଚନା ଚକ୍ରର ପ୍ରାରମ୍ଭରେ ନିଶିଗନ୍ଧାର ପ୍ରାରମ୍ଭିକ ସଙ୍ଗୀତ ଓ ପଣ୍ଡିତ ନାରାୟଣ ରଥଙ୍କ ଦ୍ୱାରା ଏକ ଭଜନ ପରିବେଷଣ ହୋଇଥିଲା l ସଂସଦର ସଭାପତି ଶ୍ରୀଯୁକ୍ତ ଡଃ ରଜନୀ ରଞ୍ଜନ ଦାସଙ୍କ ସଭାପତିତ୍ୱ ଅଭିଭାଷଣରେ ସାହିତ୍ୟର ବିଭିନ୍ନ ଦିଗ ଉପରେ ସେ ଅଭିମତ ରଖିଥିଲେ। ସଂସଦର ପ୍ରତିଷ୍ଠାତା ଶ୍ରୀଯୁକ୍ତ ବଳରାମ ତରାଇ ଅତିଥିମାନଙ୍କର ପରିଚୟ ପ୍ରଦାନ କରିଥିବାବେଳେ କାର୍ଯ୍ୟକାରୀ ସଭାପତି ଡ଼ଃ ଗୀତାଶ୍ରୀ ପ୍ରିୟମ୍ବଦା ସ୍ୱାଗତ ଭାଷଣ ପ୍ରଦାନ କରିଥିଲେ ଏବଂ ସଂସଦର ରାଜ୍ୟ ସଂଯୋଜକ ଶ୍ରୀଯୁକ୍ତ ଯୁଧିଷ୍ଠିର ମୁଦୁଲି ଆଲୋଚନାଚକ୍ରାର ପରିଚାଳନା କରିଥିଲେ । ଆଲୋଚନାଚକ୍ରର ପ୍ରାରମ୍ଭିକ ପର୍ଯ୍ୟାୟରେ ସମାଜର ପରିବର୍ତ୍ତନରେ ସାହିତ୍ୟର ଭୂମିକା ଶୀର୍ଷକରେ ବିଶିଷ୍ଟ ଅର୍ଥନୀତିଜ୍ଞ ତଥା ପୂର୍ବତନ ମନ୍ତ୍ରୀ ଶ୍ରୀଯୁକ୍ତ ପଞ୍ଚାନନ କାନୁନଗୋ  ନିଜର ବଳିଷ୍ଠ ବକ୍ତବ୍ୟ ରଖିଥିଲେ। ଦ୍ଵିତୀୟ ପର୍ଯ୍ୟାୟ ରେ  "ରାଜନୀତିକ ପୃଷ୍ଠଭୂମିରେ ସାହିତ୍ୟ ଏକ ଅନୁଶୀଳନ ଶୀର୍ଷକ " ଉପରେ ଓଡିଆ ଭାଷା ଆନ୍ଦୋଳନର ସଚିବ ତଥା ଗବେଷକ ଶ୍ରୀଯୁକ୍ତ ଡ଼. ସୁବ୍ରତ ପୃଷ୍ଟି  ନିଜ ତଥ୍ୟଗତ ବିବରଣୀ ରଖି ଆଲୋଚନାକୁ ଯଥାର୍ଥ କରିଥିଲେ ଏବଂ ଆଲୋଚନାଚକ୍ରର ତୃତୀୟ ପର୍ଯ୍ୟାୟରେ  " ଆଧୁନିକ କବିତାର ଦିଗ ଓ ଦିଗନ୍ତ" ଉପରେ ଓଡିଶା ଉଚ୍ଚ ମାଧ୍ୟମିକ ଶିକ୍ଷା ପରିଷଦର ଉପ ସଚିବ ତଥା ବିଶିଷ୍ଟ ସାହିତ୍ୟିକ ଡ. କୁଳମଣି ଓଝା ବହୁମୂଲ୍ୟ ତଥ୍ୟ ଉପସ୍ଥାପନ  କରିଥିଲେ।ସମସ୍ତ ଅତୁଳନୀୟ ଶବ୍ଦ, ଭାବ ,ଆବେଗ ତଥା ତଥ୍ୟଯୁକ୍ତ ଆଲୋଚନାର ସାରାଂଶ ସଂସଦର କାର୍ଯ୍ୟକାରୀ ସଭାପତି ଡ. ଗୀତାଶ୍ରୀ ପ୍ରିୟମ୍ବଦା ଏବଂ ଉପ -ସଭାପତି ଶ୍ରୀ ଚିତ୍ତରଞ୍ଜନ ନନ୍ଦ ପ୍ରଦାନ କରିଥିଲେ।ଶେଷରେ ସଂସଦର ମୁଖ୍ୟ ସମ୍ପାଦିକା ଶ୍ରୀମତୀ ସରସ୍ବତୀ ନାୟକ ଧନ୍ୟବାଦ ଅର୍ପଣ କରିଥିଲେ। କାର୍ଯ୍ୟକ୍ରମକୁ ସଂସଦର ରାଜ୍ୟ ପୃଷ୍ଟପୋଷକ କରୁଣାକର ମଲ୍ଲିକ ଆଲୋଚନାର ସାରାଂଶ ପାଠ କରିଥିଲେ । ଏହି ଆଲୋଚନାଚକ୍ରରେ ଡ. ସୁଷମା କର, ଡ.ସୁଧାମାୟୀ ବେହୁରା, ସହ-ସଂଯୋଜକ ତ୍ରିନାଥ ପଟ୍ଟନାୟକ,କଲ୍ୟାଣୀ ନନ୍ଦ, ଗିରିଶ ଚନ୍ଦ୍ର ତ୍ରିପାଠୀ, ଡ଼. ନିରଞ୍ଜନ, ଡ଼. ଶିବପ୍ରିୟା ମିଶ୍ର,ଅନୁସୟା ଦେବତା, ଅର୍ଚ୍ଚନା ଦାସ,ରଶ୍ମିମୟୀ ପଟ୍ଟନାୟକ, ଡ଼. ନୀଳାଦ୍ରି ଜଗଦେବ, ଡ. ସୁମତି ସାହୁ, ସୁରମା ଦାସ,  ମିନା ମୁଣ୍ଡ,ମିନତୀ କୁମାରୀ ପ୍ରଧାନ,ସୁମତି ମୁଣ୍ଡ ବିଜୟଶ୍ରୀ ନାଥ, ସଂଯୁକ୍ତା ପରିଡା, ତପସ୍ୱିନୀ ପଟ୍ଟନାୟକ, ବ୍ରତତୀ ପ୍ରିୟଦର୍ଶିନୀ,ଅର୍ଚ୍ଚନା ଦାସ, ଗଣେଶ କୁମାର ଜେନା, ଶ୍ରୀକାନ୍ତ ଭୋଇ, ପ୍ରଦୀପ କୁମାର ଦାସ, ହରିହର ଭୁକ୍ତା,ବନିତା ପଣ୍ଡିତ, ବସନ୍ତ କୁମାର ନାଥ, ଭଗବାନ ଓତ୍ତା,ଗଣେଶ ଚନ୍ଦ୍ର ଜେନା,ନୂଆପଡା ଜିଲ୍ଲା ଓଟିଭିର ପ୍ରତିନିଧି ମାୟାଧର ସରାଫଙ୍କ, ସମ୍ବାଦ ଏବଂ ପ୍ରମେୟର ବିଶିଷ୍ଟ ସାମ୍ବାଦିକ ଏପରିକି ବିଭିନ୍ନ ପ୍ରାନ୍ତରୁ ପ୍ରାୟ ୧୫୦ରୁ ଉର୍ଦ୍ଧ୍ଵ ଅନେକ ସାହିତ୍ୟିକ ସ୍ରଷ୍ଟା ଉପସ୍ଥିତ ରହି ଆଗାମୀ ଦିନରେ ଏହିଭଳି ସାହିତ୍ୟିକ କାର୍ଯ୍ୟକ୍ରମକୁ ଆୟୋଜନ କରିବା ପାଇଁ ଆୟୋଜକକୁ ଅନୁରୋଧ କରିବା ସହ କାର୍ଯ୍ୟକ୍ରମର ଭୁୟସୀ ପ୍ରଶଂସା କରି ଏହି ରାଜ୍ୟ ସ୍ତରୀୟ ଆଲୋଚନା ଚକ୍ରକୁ ସାଫଲ୍ୟ ମଣ୍ଡିତ କରିଥିଲେ l ଏହି ଆଲୋଚନା ଚକ୍ରରେ ପରିଶେଷରେ ଏକ ଅନ ଔପଚାରିକ ବାର୍ତ୍ତା ମାଧ୍ୟମରେ ପଶ୍ଚିମାଞ୍ଚଳର ବିଚାରକ କୈଳାଶ ପଟ୍ଟନାୟକ ଆଲୋଚନାରେ ଉପସ୍ଥିତ ସମସ୍ତ କର୍ମକର୍ତ୍ତlଙ୍କୁ ଧନ୍ୟବାଦ ଅର୍ପଣ କରିଥିଲେ l