ଶୋଷିଲା ବାଞ୍ଜାମାହା: ୪ ବର୍ଷ ପରେ ବି ପ୍ରହସନ ସାଜିଛି ‘ବସୁଧା ଯୋଜନା’

ଦାରିଙ୍ଗବାଡ଼ି, ୨୧/୦୪/୨୦୨୬(ମାଥିଉ ମୁଠା ମାଝୀ) କନ୍ଧମାଳ ଜିଲ୍ଲା ଦାରିଙ୍ଗବାଡ଼ି ବ୍ଳକ୍ ସିର୍କାବର୍ଗ ପଞ୍ଚାୟତ ନିକଟରେ ଥିବା ବାଞ୍ଜାମାହା ଗ୍ରାମରେ। ନିର୍ମାଣହୋଇଥିବା ବସୁଧା ପାନୀୟ ଜଳ ପ୍ରକଳ୍ପ କୁ।ସରକାରଙ୍କ ପ୍ରତିଶ୍ରୁତି ହର ଘର ଜଳ । ସରକାରଙ୍କ ଲକ୍ଷ ଥିଲା ବସୁଧା ପାନ୍ୟୟ ଜଳ  ପ୍ରତିକ ଗାଁ ବା ଘରେ ନଳ ମାଧ୍ୟମରେ ଜଳ ଉପଲବ୍ଧ କରାଇବା ହେଲେ ଏହା ସମ୍ପୂର୍ଣ ଫେଲ ମାରିଛି ବାଞ୍ଜାମାହା ଗ୍ରାମରେ । ପ୍ରତ୍ୟେକ ଜନତା ବସୁଧାରୁ ପାଣି ନିଶ୍ଚୟ ପାଇବା କଥା କିନ୍ତୁ ଏ ପର୍ଯ୍ୟନ୍ତ ପାଇପାରିନାହାନ୍ତି।

ମଣିଷ ବଞ୍ଚିବାକୁ ହେଲେ ପ୍ରଥମେ ଜଳ ହିଁ ଆବଶ୍ୟକ ପଡ଼ିଥାଏ ସେଥ‌ିପାଇଁ ସରକାର ଏକ ଗୁରୁତ୍ଵପୂର୍ଣ ନିଷ୍ପରି ନେଉଛି।।ପ୍ରତେକ ଗାଁ ବା ଅଞ୍ଚଳରେ ବସୁଧା ପାଣି ଟାଙ୍କି ପାଇଁ  କୋଟି କୋଟି ଟଙ୍କା ଖର୍ଚ୍ଚ କରାଯାଉଛି । ଯାହାରି ଫଳରେ ସହର ଠାରୁ ଆରମ୍ଭକରି ପ୍ରତ୍ୟକ ଆଦିବାସୀ ଅଧ୍ଯୁଷିତ ଅଞ୍ଚଳ ମାନଙ୍କରେ କେଉଁଭଳି ସମସ୍ତ ପ୍ରକାର ମୌଳିକ ସୁବିଧା ପହଞ୍ଚି ପାରିବ ସେଥିପାଇଁ ରାଜ୍ୟ ସରକାର ଅହରହ ଚେଷ୍ଟା ଜାରି ରଖିଛି । ଏଠାରେ ନିର୍ମାଣ ହୋଇଥିବା ବସୁଧା ପାନୀୟ ଜଳ ପ୍ରକଳ୍ପ । ନିର୍ମାଣର ୪ ବର୍ଷରୁ ଉର୍ଦ୍ଧ୍ଵ ସମୟ ବିତି ଯାଇଥିଲେ ସୁଦ୍ଧା ଆଜି ପର୍ଯ୍ୟନ୍ତ ସମ୍ପୂର୍ଣ ଭାବରେ ଜଳ ଯୋଗାଣ ହୋଇପାରୁନାହିଁ , ଯେଉଁ ଉନ୍ନତଧରଣର କାର୍ଯ୍ୟ କରାଯିବା କଥା ସେଠାରେ ଅତିନିମ୍ନମାନର କାର୍ଯ୍ୟ ଠିକାଦାର କରିଥିବା ଅଭିଯୋଗ କରିଛନ୍ତି । ବାଞ୍ଜାମାହା ଗ୍ରାମରେ ଯେଉଁ ବସୁଧା ପାନୀୟ ଜଳ ପ୍ରକଳ୍ପ ନିର୍ମାଣ ହୋଇଚି ।ସେଥିରେ   ୯ ନମ୍ବର ଓ ୧୦ ନମ୍ବର ୱାର୍ଡ ର ଆଶାମାହ, ହରିଜନ ସାହି, ପାଙ୍ଗାମାହା, ସଲାଗୁଡ଼ି, ନାହଡ଼ିମାହା ସାହି ବାସିନ୍ଦା ଙ୍କ ଘରେ  ପାଇପ ଯୋଗେ ବିଶୁଦ୍ଧ ପାନୀୟ ଜଳ ସଂଯୋଗ କରିବା ନିମନ୍ତେ ହୋଇଥିଲା, କିନ୍ତୁ ଏ ପର୍ଯ୍ୟନ୍ତ ଆଶାମାହା ଓ ହରିଜନ  ସାହି ରେ କିଛି ମାତ୍ରାରେ ପାଣି ପାଇପ ସଂଯୋଗ ହୋଇଚି, କିନ୍ତୁ ପାନୀୟ ଜଳ ସଂଯୋଗ ହୋଇପାରୁନଥିବା ଅଞ୍ଚଳ ବାସୀ ଅଭିଯୋଗ କରିଛନ୍ତି ।ଏହିଭଳି ଭାବରେ ପାଙ୍ଗାମାହା, ନାହଡ଼ିମାହା, ସଲାଗୁଡ଼ି , ସାହି ମାନଙ୍କରେ  କୌଣସି ପାଣି ପାଇପ ସଂଯୋଗ ହୋଇନ ଥିବା ସାହିବାସୀ ଅଭିଯୋଗ କରିଛନ୍ତି । ଏହି ବସୁଧା ପାନୀୟ ଜଳ ପ୍ରକଳ୍ପକୁ ତ‌ଦାରଖ କରିବା ପାଇଁ କୌଣସି ବ୍ଲକ୍ ଅଫିସର ମାନଙ୍କ ପାଦ ପଡୁନଥିବା ରୁ ଅତି ନିମ୍ନମାନର କାମ କରିଥିବା ଅଞ୍ଚଳବାସୀ ଅଭିଯୋଗ କରିଛନ୍ତି | ଏପରି କାର୍ଯ୍ୟକୁ ଘୋର ନିନ୍ଦା କରିବା ସହିତ ଅଞ୍ଚଳବାସୀ ଏହିପରି ନିମ୍ନମାନର କାର୍ଯ୍ୟକୁ ବିରୋଧ କରିଛନ୍ତି । ଉକ୍ତ ଗ୍ରାମରେ ନିର୍ମାଣ କରାଯାଇଥିବା ସୋଲାର ପମ୍ପ ଓ ପାଣି ଟାଙ୍କି ଏବେ କେବଳ ଶୁଖିଲା କାଠ ପ୍ରଦର୍ଶନୀ ବସ୍ତୁରି ପାଲଟିଛି। ଅନେକ ସମୟରେ ପାଇପ୍ ରେ ପାଣି ଲିକେଜ୍‌ କିମ୍ବା ଯାନ୍ତ୍ରିକ ତ୍ରୁଟି ଦେଖାଦେବା ଯୋଗୁଁ ଲୋକଙ୍କୁ ମୁନ୍ଦେ ପାଣି ମିଳିବା ବହୁତ କଷ୍ଟକର କଥା। ଖରାଦିନେ ଜଳର ଆବଶ୍ୟକତା ବଢୁଥିବା ବେଳେ ପ୍ରଶାସନର ଏଭଳି ଅଣଦେଖା ମନୋଭାବକୁ ନେଇ ସ୍ଥାନୀୟ ଅଞ୍ଚଳରେ ତୀବ୍ର ଅସନ୍ତୋଷ ପ୍ରକାଶ ସୃଷ୍ଟି କରୁଛି।ଏହି ଗ୍ରାମର ବ୍ୟକ୍ତି ଗୁମାଡା ପ୍ରଧାନ, ପୁଜେଶ୍ୱର ମୁଠାମାଝୀ, ଲୁଷ୍ପଚନ୍ଦ୍ର ପ୍ରଧାନ, ଲାଖିରାମ ଦିଗାଳ , ଘୁଷୁରୁ ବଳିୟାରସିଂ, ବାନ୍ଦାକା ମଲିକ ସମେତ ଉକ୍ତ ଗ୍ରାମର ବସୁଧା ଯୋଜନା ପାଣି ଟାଙ୍କି ପ୍ରତି ବ୍ଲକ ପ୍ରଶାସନ ଦୃଷ୍ଟି ଦେଇ ତୁରନ୍ତ ସମାଧାନ କରିବା ପାଇଁ ନିରିହ ଆଦିବାସି ଏବଂ ହରିଜନ ମାନେ ଦୃଢ଼ ଦାବି କରିଛନ୍ତି।